حکومت پنجاب کی اپنے ہی رکن اسمبلی کے قتل کے ملزمان کو پکڑنے میں دلچسپی کا اندازہ اس بات سے لگایا جا سکتا ہے کہ رکن پنجاب اسمبلی چودھری شمشاد احمد خان، انکے صاحبزادے اور ساتھی کے قتل کا منصوبہ ساز خاندان سمیت دبئی فرار ہو گیا ہے۔پنجاب پولیس اور دیگر حکومتی ادارے انہیں گرفتار کرنے اور باہر جانے روکنے کیلئےکچھ نہیں کر سکے ۔پولیس حکام نے فیکٹ کو بتایا کہ قتل دہشتگردی کا واقعہ نہیں، اسکے منصوبہ سازوں، سہولت کاروں اور اسے عملی جامہ پہنانے والوں کا سراغ لگا کر 95فیصد تک کیس حل کر لیا ہےتاہم اب انہیں پکڑنے میں مشکلات ہیں کہ ملزمان فرار ہو گئے ہیں ۔
یاد رہے کہ اس سے قبل تحریک طالبان پاکستان کی طرف سے دعویٰ سامنے آیا تھا کہ یہ قتل ہم نے کیا ہے ۔ تاہم پولیس کی تفتیش کے بعد یہ دعویٰ غلط ثابت ہوا۔

لاہور: فیکٹ رپورٹنگ ڈیسک