وفاقی حکومت نے ایئرپورٹس پر ایک بار پھر دہشتگردوں کے حملوں کے خدشہ سے صوبائی حکومتوں کو خط لکھ کر آگاہ کر دیا ہے۔کرائسز مینجمنٹ سیل کی جانب سے بھیجے گئے مراسلہ میں انکشاف کیا گیا ہے کہ دہشگرد گروپ ملک کے انٹرنیشنل ایئرپورٹس پر حملوں کی منصوبہ بندی کر رہے ہیں۔ان گروپوں میں کالعدم تحریک طالبان کے عمر گروپ اور جماعت الاحرار شامل ہیں ،اس حوالے سے دہشتگردوں او ر خودکش بمباروں نے مہمند ٹانگی خیبر پختو نخواہ میں حملے کی ریہرسل بھی کی ہے۔خط میں مبینہ حملہ آوروں اور خودکش بمباروں کی تعداد 12بتائی گئی ہے۔صوبوں کو سکیورٹی اقدامات کی ہدایت کرتے ہوئے کے پی کے حکومت کو متنبہ کیا گیا ہے کہ باچا خان ایئرپورٹ دہشتگردوں کا آسان ہدف ہو سکتا ہے۔
لاہور/سپیشل رپورٹ