پاکستانی میڈیا کے مطابق تو ایسا لگتا ہے کہ پاکستانی کمپنی ایگزیکٹ کے خلاف جعلی ڈگری سکینڈل نے پورے ملک کو ہلا کر رکھ دیا ہے۔ پورے ملک میں جعلی ڈگری سکینڈل نے زلزلہ برپا کر دیا ہے۔۔۔یہ پاکستان کا سب سے مکروہ دھندہ تھا جو ایگزیکٹ کر رہا تھا ۔۔۔یہ پاکستان کی تاریخ کا سب سے بڑا سکینڈل ہے ۔۔۔ذمہ داروں کو معاف نہیں کرنا چاہیے ۔۔۔ایکسپریس ، جیواور دنیا ٹی وی نے اپنے آدھے آدھے گھنٹے سے بھی زیادہ کے بلیٹن میں ایک ایسا طوفان برپا کیا اور پھر اس پر حکومتی ایف آئی اے کی چھاپہ مار کارروائی نے سونے پر سہاگہ کے مصداق خوف و ہراس کی ایسی آندھی چلائی جسے دیکھ کر یہ گمان ہونے لگا کہ اس ساری کارروائی کے پیچھے کوئی نہ کوئی بڑا کھیل ہے۔ ۔۔یہ بات طے ہے کہ کہیں اس کھیل کی پتلیاں ہلائی جا رہی ہیں ۔ ۔۔لوگوں کو نچایا جا رہا ہے ۔۔۔اور میڈیا اس کا آلہ کار بنا ہوا ہے۔
کیا مقصد بول ٹی وی کو 146146 ناک آئوٹ کرنا ہے ؟ایف آئی اے کے چھاپوں سے تو ایسا ہی لگتا ہے کہ اس کا کوئی مقصد ہے؟ اور اس کے پیچھے کوئی نہ کوئی ہاتھ ضرور ہے۔
اس بات کو مان بھی لیا جائے کہ ایگزیکٹ کچھ غلط کام کر رہی تھی تو اس کا خیال حکومتی اداروں کو صرف نیو یارک ٹائمز کی سٹوری پڑھ کر کیوں آیا؟ اس سے پہلے نیو یارک ٹائمز نے جو سٹوریاں شائع کیں، ان پر بھی اسی طرح کا ایکشن ہوا؟؟ یہ ہے وہ سوال جو اس پوری کارروائی کو مشکوک بنا رہا ہے۔
اگر ایگزیکٹ پر لگنے والے الزام کو کچھ فیصد بھی تسلیم کر لیا جائے تو سوال صرف اتنا سا ہے کہ کیا اس کارروائی کا طریقہ کار یہ ہونا چاہیے تھا ؟ کیا پہلے جن کمپنیوں پر الزامات لگتے رہے ، ان کمپنیوں کے خلاف بھی ایسی ہی میڈیا کمپین چلائی گئی؟ جواب یقینی طور پر نفی میں ہو گا۔ اس سے مطلب تو یہی نکلتا ہے کہ ٹارگٹ صرف بول ٹی وی ہے۔ بول ٹی وی کے آنے سے کچھ لوگ خوف زدہ ہیں۔
حقائق دیکھے جائیں تو ایگزیکٹ کے خلاف جعلی ڈگریوں کی سیل کے حوالے سے نیو یارک ٹائمز میں شائع ہونے والی سٹوری ایکسپریس میڈیا گروپ کے ساتھ کاروباری لڑائی کا شاخسانہ معلوم ہوتی ہے اور اس کے پیچھے کسی نہ کسی طرح ایکسپریس میڈیا گروپ کے مالک سلطان علی لاکھانی کا ہاتھ ہے۔
یہ ایک پری پلان منصوبہ نظر آتا ہے جس میں ایکسپریس میڈیا گروپ کے علاوہ جیو ٹی وی کے مالک میر شکیل الرحمان اور دنیا ٹی وی کے مالک میاں عامر محمود نے بھی اپنا حصہ ڈالا اور صحافتی اخلاقیات کی دھجیاں اڑا دیں ۔ان تینوں میڈیا گروز سے یہ سوال پوچھا جا سکتا ہے کہ پاکستانی میڈیا کی تاریخ میں ایک کمپنی کے خلاف اتنی بڑی کمپین چلائی گئی، کیا اس سے پہلے کبھی ایسا ہوا ؟حالانکہ پاکستان مین آئے روز کرپشن اور بے ضابطگیوں کے اس سے کئی گنا بڑے سکینڈل منظر عام پر آ رہے ہیں ۔اگر یہ مان بھی لیا جائے کہ ایگزیکٹ غلط کام کر رہی تھی تو کیا ایگزیکٹ کے خلاف چلائی جانے والی یہ مہم صحافتی اصولوں و ضوابط کے مطابق ہے یا اس میں ان کا کوئی اپنا مفاد شامل ہے ؟

ایگزیکٹ کے میڈیا میں آنے سے خوفزدہ دوسرے میڈیا گروپ ایگزیکٹ کے بول ٹی وی اور اخبارات کے خلاف ایک بڑی سازش کا سکرپٹ تیار کر چکے ہیں ۔اس سازش میں کئی میڈیا گروپوں کے مالکان شامل ہیں جن کا مقصد بول ٹی اوی کو منظر عام پر آنے سے روکنا اور ایگزیکٹ کمپنی کو مختلف کیسز میں پھنسا کر نفسیاتی طور پر ناک آئوٹ کر نا ہے ۔

فیکٹ نے صحافتی دنیا ، آئی ٹی ماہرین ، سٹاک ایکسچینج بروکرز ، انٹیلی جنس ایجنسیوں اور ملک کے باخبر حلقوں سے ملنے والی اطلاعات کی روشنی میں جو حقائق اکٹھے کئے ہیں وہ بڑے خوفناک ہیں ۔ یہ حقائق بتاتے ہیں کہ ایگزیکٹ کے میڈیا میں آنے سے خوفزدہ دوسرے میڈیا گروپ ایگزیکٹ کے بول ٹی وی اور اخبارات کے خلاف ایک بڑی سازش کا سکرپٹ تیار کر چکے ہیں ۔اس سازش میں کئی میڈیا گروپوں کے مالکان شامل ہیں جن کا مقصد بول ٹی اوی کو منظر عام پر آنے سے روکنا اور ایگزیکٹ کمپنی کو مختلف کیسز میں پھنسا کر نفسیاتی طور پر ناک آئوٹ کر نا ہے ۔ اس مقصد کیلئے جہاں نیو یارک ٹائمز آلہ کار بنا وہاں ابھی سکرپٹ کے مطابق اسی طرح کے کئی پلانز آنے باقی ہیں جس کے تحت بول کو پاکستان میں بدنام کیا جائے گا۔
فیکٹ کو ملنے والی اطلاعات کے مطابق اس بات سے قطع نظر کے ایگزیکٹ کمپنی ڈگریوں کی سیل میں ملوث ہے یا نہیں ، اِ س وقت لڑائی بول کو میڈیا انڈسٹری میں آ نے سے روکنے کے لئے ہو رہی ہے۔یہ بات اب ڈھکی چھپی نہیں رہی ہے کہ بول کیخلاف نیو یارک ٹائمزکی سٹوری کے پیچھے ایکسپریس میڈیا گروپ کا ہاتھ ہے کیونکہ بول نے ایکسپریس میڈیا گروپ کے مالک سلطان لاکھانی کے خلاف سائبر کرائمز کا مقدمہ درج کروا رکھا ہے۔ ایکسپریس میڈیا گروپ کا انگریزی اخبار ایکسپریس ٹربیون امریکی اخبار نیو یارک ٹائمز کا پارٹنر ہے۔یہی وہ کھیل ہے جسے سمجھنا بہت ضروری ہے ۔

ایگزیکٹ کے خلاف نیو یارک ٹائمزکی سٹوری کے پیچھے ایکسپریس میڈیا گروپ کا ہاتھ ہے کیونکہ بول نے ایکسپریس میڈیا گروپ کے مالک سلطان لاکھانی کے خلاف سائبر کرائمز کا مقدمہ درج کروا رکھا ہے۔ ایکسپریس میڈیا گروپ کا انگریزی اخبار ایکسپریس ٹربیون امریکی اخبار نیو یارک ٹائمز کا پارٹنر ہے۔

ایکسپریس میڈیا گروپ کے تعاون سے لکھی جانے والی سٹوری کی نیو یارک تائمز میں اشاعت کے بعد ملک کے ان تین بڑے چینلز ایکسپریس، دنیا اور جیو ٹی وی نے ایگزیکٹ کے خلاف ایک طوفان برپا کر دیا ۔ پہلے ایکسپریس پر اور پھر جیو ٹی وی کے مالک میر شکیل الرحمان اور دنیا ٹی وی کے مالک میا ں عامر محمود نے بھی ایگزیکٹ سکینڈل میں اپنا بھر پور حصہ دالا۔ جیو ٹی وی اور بول گروپ کی دشمنی اور عدالتوں میں جاری جنگ کسی سے ڈھکی چھپی نہیں تاہم اس جنگ میں دنیا ٹی وی کی شمولیت نے بہت سے لوگوں کو حیران ضرور کیا ہے ۔
جیو، ایکسپریس اور دنیا ٹی وی پر آدھے آدھے گھنٹے کے نیوز بلیٹن نشر کئے گئے اور ایسا میڈیا کی تاریخ میں پہلی بار ہوا ۔یہ تینوں ٹی وی چینلز اپنی ذاتی لڑائی میں اس حد تک بڑھ گئے کہ انہوں نے ہر قسم کی اخلاقیات کو پس پشت دال دیا ۔
ذرائع یہ بھی کہتے ہیں کہ ان تینوں گروپوں نے حکومت پر دبائو ڈلوا کر ایف آئی اے کے ذریعے یہ ساری کارروائی کروائی اور کھیل میں پاکستان مسلم لیگ نواز کے میڈیا سیل نے بھی اپنا حصہ ڈالا۔یہ میڈیا سیل آج کل وزیر اعظم پاکستان میاں نواز شریف صاحب کی صابزادی محترمہ مریم نواز کی ہدایت پر چلتا ہے۔
فیکٹ کے سامنے یہ حقیقت بھی آئی کہ ایگزیکٹ کی انتظامیہ نے کچھ عرصہ قبل ایکسپریس میڈیا گروپ کے مالک سلطان علی لاکھانی کے خلاف ایک کیس درج کروایا تھا جس میں ان پر الزام ہے کہ انہوں نے تین لاگوں کو ایگزیکٹ میں اِن کیا اور پھر ان کے ذریعے ایگزیکٹ کا ڈیٹا چوری کروایا ۔ اس حساس ڈیٹا کی چوری سے ایگزیکٹ کو نقصان ہوا اور تحقیق کے بعد ان تینوں ملازموں نے پولیس کے سامنے یہ انکشاف کیا کہ وہ ایسا سلطان علی لاکھانی کے ایماء پر یہ سب کچھ کر رہے تھے۔پولیس نے اس انکشاف کے بعد سلطان علی لاکھانی کا نام بھی ملزمان کی فہرست میں شامل کر لیا گیا۔(اس سلسلے میں دستاویزات دیکھیں )
ایگزیکٹ کے ان سابقہ ملازمین نے جب کمپنی چھوڑی تو انہوں نے ایگزیکٹ کی انتظامیہ کو کہا تھا کہ وہ بیرون ملک جا رہے ہیں اور آئندہ کسی بھی آئی ٹی کمپنی میں ملازمت نہیں کریں گے تاہم جب تفتیش کی گئی تو پتہ چلا کہ مذکورہ ملازمین نہ صرف کراچی میں ہی ہیں بلکہ ایک کمپنی بنا کر ایگزیکٹ کے چوری شدہ سافٹ ویئر فروخت کر رہے ہیں ۔جس پر انہیں حراست میں لے لیا گیا۔
یہاں سوال یہ پیدا ہو تا ہے کہ سلطان علی لاکھانی کو اس کی کیا ضرورت پڑی کہ وہ ایگزیکٹ کا ڈیٹا چوری کروائیں ؟ اس کا جواب سیدھا سا ہے کہ سلطان لاکھانی کا ملکیتی گروپ بھی پاکستان کی ایک بڑی آئی ٹی کمپنی سائیبر نیٹ کا مالک ہے اور ظاہر ہے کہ سلطان علی لاکھانی کے اپنی کمپنی کے حوالے سے اپنے مفادات ہیں ۔
اس تمام صورتحال کے بعد اب بول ٹی وی یکم رمضان سے اپنی نشریات کےآغاز کا اعلان کر چکا ہے۔ اب دیکھنا یہ ہے کہ باقی ٹی وی چینلز بول کے خلاف اپنی مہم جاری رکھتے ہیں یا ایگزیکٹ کے خلاف تحقیقات کے سامنے آنے کا انتظار کرتے ہیں۔یہ بات طے ہے کہ ایگزیکٹ سکینڈل میں میڈیا بے نقاب ہو چکا ہے۔یہ بات بھی زبان زد زبان عام ہے کہ ملک کے تمام بڑے چینلز بشمول ایکسپریس ، دنیا اور جیو ٹی وی کے مالکان بول کے آنے سے خوف زدہ ہیں کیونکہ وہ اپنے صحافیوں کو ایسی سہولیات نہیں دے سکتیں ۔ جس طرح کی بول اپنے صحافیوں کو دے رہا ہے۔
اب اصل کھیل بول ٹی وی کے لانچ ہونے کے بعد شروع ہو گا اور پھر پتہ چلے گا کہ میڈیا سیٹھوں کا اگلا منصوبہ کیاہے؟ اور سکرپٹ کے اگلے مرحلے پر عمل کب ہو گا؟

رپورٹ: مقبول ارشد

نوٹ :ایکسپریس ، جیو اور دنیا ٹی وی کے مالکان سلطان لاکھانی ، میر شکیل الرحمان اور میاں عامر محمود اس سٹوری کے حوالے سے اپنا موقف دینا چاہیں تو فیکٹ کے صفحات حاضر ہیں۔