بھارت نے راجستھان اور کشمیر کی سرحد پر نئے فوجی دستے تعینات کرنے کا منصوبہ بنایا مگر وہ چند گھنٹوں میں آئی ایس آئی کے پاس پہنچ گیااور پاکستان نے منصوبے کا توڑ کر لیا
آئی ایس آئی نے کما ل مہارت سے بھارتی دفاعی کمزوریوں کا فائدہ اٹھاتے ہوئے اس کے ایک انتہائی خفیہ منصوبے کو بے نقاب کر دیا ہے جس کے بعد کے بھارت میں ہلچل مچ گئی ہے ۔ آئی ایس آئی نے ایک سال قبل راجستھان اور کشمیر کی سرحدوں پر بھارتی فوج کی تعیناتی کا منصوبہ حاصل کر کے اس کے غرور کو خاک میں ملا دیا تھا۔آئی ایس آئی کے ذریعے یہ اطلاع پاک فوج کو ملی اور پاک فوج بھارتی منصوبے کا توڑ کرنے کے لئے سرحد پر پہنچ گئی۔جب بھارتی آرمی چیف کو اپنے منصوبے کے افشاء ہونے کا علم ہوا تو انہوں نے فوجیوں کی دوبارہ تعیناتی کی منصوبہ بندی کے بارے میں بھارتی ڈائریکٹر جنرل ملٹری آپریشن کو ہدایات جاری کین لیکن آئی ایس آئی نے چند گھنٹوں کے اند ر ہی یہ منصوبہ بھی حاصل کر لیا اور پاکستان کے اعلیٰ عسکری حکام کی ٹیبلز پر پہنچا دیا جس سے بھارتی فوج میں کھلبلی مچ گئی ۔

اطلاعات کے مطابق بھارتی فوج نے یہ منصوبہ ایک سال قبل بنایا تھا جو آئی ایس آئی کے ہاتھ لگ گیا ۔یہ بھارتی منصوبہ اس وقت شروع ہوا جب بھارتی وزیر دفاع اے کے انتھونی اور اس وقت کے آرمی چیف جنرل بکرم سنگھ کے درمیان فوجوں کی نقل و حرکت پر تفصیلی گفتگو ہوئی ۔ اس ملاقات میں بھارت کی طرف سے دونوں محاذوں پر فوج تعینات کرنے کا فیصلہ ہوا تا ہم پاک فوج بھارتی فوج کے تدارک کے لئے پہلے ہی سرحد پر پہنچ گئی جس نے بھارتی جرنیلوں کی نیندیں اڑا دیں ۔بھارتی وزیر دفاع اور بھارتی آرمی چیف کے درمیان یہ ملاقات پندرہ فروری کی صبح شروع ہوئی جو ایک گھنٹہ جاری رہی۔اس میٹنگ کے بعد بھارتی آرمی چیف نے ڈائریکٹر جنرل ملٹری آپریشنز (ڈی جی ایم او) لیفٹیننٹ جنرل ونود بھاٹیہکو آگاہ کیا تاہم چند گھنٹوں کے اند ر ہی اندر پاکستانی فوج نے بھارتی فوج کی نئی منصوبہ بندی کے تحت فوج کی تعیناتی کا مقابلہ کرنے کے لئے اپنے فوجی تعینات کرنا شروع کر دےئے۔اس چونکا دینے والے واقعے سے بھارتی ایوانوں اور فوج کے ساؤتھ بلاک میں کھلبلی مچ گئی۔وہ حیران تھے کہ منصوبہ آئی ایس آئی کے ہاتھ کیسے لگا۔بھارتی آرمی چیف نے فوری طور پر اس بارے میں وزیر دفاع کو مطلع کیا جنہوں نے اس وقت کے وزیر اعظم کو بریفنگ دی۔اس کے بعد بھارتی وزیر اعظم نے ڈی جی ایم او اور’’ وار روم‘‘ کا دورہ کیا اور فوج کی اعلیٰ قیادت سے میٹنگ کی۔
؂ادھر اس واقعے کے بعد بھارتی افواج نے آئی ایس آئی کو آپریشن کی تفصیلات لیک کرنے والے فوجی کی نشاندہی کی جس کا کورٹ مارشل کر دیا گیا۔اس منصوبے کے لیک ہونے کے بعد پورے ساؤتھ بلاک کی سکیورٹی بڑھادی گئی اورسی سی ٹی وی کیمرے نصب کر دےئے گئے ۔