پاکستان انٹرنیشنل ایئرلائنز کی ایک خاتون افسر نے وزیراعظم یوسف رضا گیلانی کے جعلی دستخط کرکے خود کو لندن ٹرانسفر کرالیا لیکن شومئی قسمت کہ لندن پہنچنے سے پہلے ہی فراڈ پکڑا گیا اور وہ الٹا نوکری سے ہاتھ دھو بیٹھیں۔ تفصیلات کے مطابق قومی ائیر لائن کی ایک سینئر نرسنگ افسر نے لندن میں اپنی پوسٹنگ کرانے کے لیے وزیراعظم گیلانی کے دستخطوں سے ایک سرکاری خط اپنی انتطامیہ کو پیش کیا اور اس خط کے ساتھ ہی اس نے اپنی درخواست چیئرمین پی آئی اے کو پیش کی کہ ان کا ٹرانسفر لندن کر دیا جائے۔تاہم انتطامیہ کو شک گزرا اور اس پر ایک انکوائری کا حکم دیا گیا جس پر وہ ملزم ثابت ہوئیں اور نوکری سے برخاست کر دی گئیں۔
(رپورٹ، رؤف کلاسرا)