پاکستان کی مشہور فیشن ڈیزائنرآمنہ عقیل نے جولائی کے پہلے ہفتے میں پنے عید کے ملبوسات کی نمائش کا افتتاح کیا۔ کلیکشن میں نمایاں موسم گرما سے مطابقت رکھتے ہوئے ہلکے رنگوں خصوصا سفید رنگ کو مختلف انداز کے ساتھ یش کیا گیا تھا، جس وجہ سے ہر ڈیزائن اپنی منفرد حیثیت رکھتا تھا۔
ہمیشہ کہ طرح اس مرتبہ بھی آمنہ کے ملبوسات مشرقی اور مغربی پہناووں کا امتزاج ہیں۔ آمنہ عام طورپر کپڑوں پراچھوتے قسم کے ڈیزائن اور دھاگوں، موتیوں اور ستاروں سی ہوئی ہاتھ کی کڑھائی پسند کرتی ہیں۔ ان کے ملبوسات دور جدید سے مطابقت رکھتے ہوئے ذیادہ تر قمیض اور پائے جاموں پر مشتمل ہیں۔ نمائش میں سب سے ذیادہ توجہ کا مرکزمارلن منرو کے مشہور زمانہ سفید لباس کی طرز پر ڈیزائن کیا گیا کلیکشن تھا۔
نمائش میں شہر کی فیشن اور شوبز کی معروف شخصیات نے شرکت کی۔
آمنہ کپڑے کے معیار پر کوئی سمجھوتا نہیں کرتی اس لئے انکی ملبوسات کے لئے کپڑا اور سجاوٹ کا سامان دبئی سے لایا گیا ہے۔آمنہ کے ملبوسات جلد ہی لیبلز (کراچی، لاہور اور اسلام آباد) اور دبئی میں بھی دستیاب ہوں گے۔
آمنہ کا مقصد کراچی کی خواتین کو مناسب داموں پر لگژری لباس مہیا کرنا ہے۔ اب یہ تو خواتین ہی جاکر بتائیں گی کہ کیا واقعی آمنہ عقیل کے ملبوسات ایک متوسط طبقے کی خاتون کی قوت خرید میں آتے ہیں کہ نہیں۔