لاہور /سٹاف رپورٹ
وزیراعظم سید یوسف رضا گیلانی نے سینیٹر بابر اعوان کو قانون سمیت کوئی بھی وزارت دینے کی سخت مخالفت کر دی۔پیپلزپارٹی کے ذرائع کے مطابق وزیراعظم کی جانب سے موجودہ حالات میں بابر اعوان کو وزیر قانون بنانے کی مخالفت کی گئی تو پارٹی کے کچھ لوگوں نے کہاکہ ان کو کوئی اور اہم وزارت سونپ دی جائے تاہم وزیراعظم نے اس کی بھی سخت مخالفت کی اور ان کاکہنا تھاکہ سینیٹ کے انتخابات تک ڈاکٹر بابر اعوان کو کابینہ میں شامل کرنا پارٹی اور حکومت کے مفادمیں نہیں ہے۔ذرائع کے مطابق صدر آصف علی زرداری کو بھی وزیر اعظم نے قائل کر لیا اورصدر نے بھی اس کی تائید کر دی۔