اسلام آباد /سٹاف رپورٹ
معلوم ہوا ہے کہ سابق صدر پرویز مشرف پاکستان واپسی کے لئے فوج کے گرین سگنل کا انتظار کر رہے ہیں تاہم انہیں ابھی تک فوج کی طرف سے وطن واپسی کا کوئی سگنل نہیں دیا ۔ جیسے ہی فوج کی طرف سے کوئی سگنل ملا تو مشرف پاکستان آ جائیں گے ۔ذرائع کے مطابق مشرف کسی بھی طرح سے فوج کے مثبت اشارے کے منتظر ہیں اور وہ یہ بھی چاہتے ہیں کہ پاکستان واپسی کی صو رت میں انہیں جانکے خطرے کے پیش نظر فوج اپنی سکیورٹی مہیا کرے تاہم پاک فوج کی طرف سے انہیں ابھی تک کوئی یقین دہانی نہیں کرائی گئی ۔امکان ہے کہ مشرف کا دسمبر میں فوج کی طرف سے ہاں یا ناں میں جواب مل جائے گا جس کے بعد 31 دسمبر کو پرویز مشرف اپنی واپسی کی تاریخ اور مقام کا اعلان کریں گے اور ان کی واپسی 31دسمبر سے 15 فروری کے درمیان ہوگی۔