وزیر داخلہ رحمان ملک کا ایک اور کارنامہ ، ٹارگٹ کلرز کو گرفتار کرنے والے افسر کو نظر انداز کرکے من پسند افسران کو میڈل اور کیش انعام دینے کا فیصلہ کرلیا گیا۔ تفصیلات کے مطابق گزشتہ روز بلدیہ ٹاؤن کے ایس ایچ او انسپکٹر حق نواز نے کارروائی کرتے ہوئے 3 افراد کی ٹارگٹ کلنگ میں ملو ث ایک متحدہ قومی موومنٹ کے کارکن آصف عرف چھوٹوکو گرفتار کرکے اسلحہ برآمد کیا تھا تاہم وفاقی وزیر داخلہ رحمان ملک نے اْن کو نظر انداز کرکے من پسند افسر ڈی ایس پی بلدیہ ٹاؤن رستم نواز کو قائد اعظم میڈل دینے کا اعلان کیا ہے۔ دیگر پولیس افسران کا کہنا ہے کہ اس طرح کے اعلانات نے پولیس افسران میں بے چینی اور اْن کے حوصلے پست کردیے ہیں۔واضح رہے کہ کٹی پہاڑی کے دورے کے موقع پر انہوں نے آپریشن میں سرگرم عمل پولیس اور رینجرزکے جوانوں کے ساتھ اظہار یکجہتی کرتے ہوئے ان کیلئے نقد انعامات جبکہ بدنام ٹارگٹ کلر کو گرفتارکرنے پر ڈی ایس پی رستم کیلئے قائد اعظم میڈل کا اعلان کیاتھا۔
سٹاف رپورٹ