انتہائی باخبر ذرائع سے فیکٹ کو معلوم ہوا ہے کہ آصف علی زرداری نے ملک بھر میں اور خاص طور پر سندھ میں اپنے قریبی ساتھیوں اور رفقاء کو ہدایت کی ہے کہ وہ فوری طور ایک سے ڈیڑھ ہفتے کے لئے بیرون ملک فرار ہو جائیں تاکہ ممکنہ طور پر رینجرز کی طرف سے گرفتاری سے بچ سکیں۔فیکٹ ذرائع کے مطابق زرداری نے یہ ہدایت جمرات اور جمعہ کو اپنے ساتھیوں کی دیں اور اس ضمن میں خاص بات یہ ہے کہ یہ اطلاع ٹیلی فون کی بجا ئےقریبی قاصدوں کے ذریعے دی گئی ہے ، کیونکہ زرداری ٹیلی فون کا استعمال ترک کر چکے ہیں تاکہ ان کی کو ئی بات کسی انٹیلی جنس ایجنسی کی طرف سے ریکارڈ نہ کی جا سکے۔
فیکٹ کے بلاول ہا ئوس میں موجود ایک اہم ذریعے نے نام ظاہر نہ کرنے کی درخواست پر فیکٹ کو بتایا کہ رینجرز کی طرف سے چھاپے اور گرفتاریوں کے خوف کے باعث بلال ہا ئوس آنے والوں کی تعداد میں کمی آ گئی ہے اور زرداری صاحب نوڈیرہ کو اپنی سیاسی سرگرمیوں کو مرکز بنانے کاسوچ رہے ہیں ۔زرداری کو بلاول ہا ئوس سے اب ویسا ہی خود آنے لگا ہے جیسا انہیں ایوان صدر میں آ تا تھا۔ اس ذریعے نے جو ایوان صدر میں بھی زرداری کے ساتھ شفٹ ہو گیا تھا ، فیکٹ کو مزید بتایا کہ اب اسے نوڈیرہ جانے کے احکامات ملے ہیں ۔ اس کا مطلب ہے کہ آصف علی زرداری مستقل طور پر نوڈیرہ شفٹ ہو رہے ہیں ۔

ذرائع نے فیکٹ کو بتایا کہ کراچی میں زرداری کو گرفتاری کا بھی خوف ہے اور اسی خوف سے بچنے کیلئے انہوں نے نوڈیرہ شفٹ ہونے کا فیصلہ کیا ہے ۔ زرداری کا یہ بھی خیال ہے کہ نوڈیرہ سے انہیں گرفتار کرنا مشکل ہو گا کیونکہ ایسی صورت میں پیپلز پارٹی کے جیالے سڑکوں پر آ جا ئیں گے اور اسے انہیں سیاسی فا ئدہ ہو گا۔دوسری طرف یہ بھی معلوم ہوا ہے کہ جن شخصیات کو زرداری کی طرف سے بیرون ملک بھاگنے کو کہا گیا ہے ان کی تعداد تین سو کے قریب ہے۔ یہ تمام لوگ زردار ی اور کے ساتھیوں کی کرپشن اور لوٹ مار میں شامل تھے۔ ان شخصیات میں سیاست دانوں کے علاوہ حکومتی وزراء، اعلیٰ بیورو کریٹ ، سرکاری افسران اور خود بھٹو و زرداری خاندان کے لوگ شامل ہیں ۔
ذرائع کا کہنا ہے کہ اس وقت پورے سندھ میں ایسا لگ رہا ہے کہ زرداری مارشل لاء لگا ہوا ہے اور ملک لوٹنے والے ان تین سو سے زائد افراد کا ٹولہ صرف زرداری کی طرف دیکھ رہا ہے۔

رپورٹ: مقبول ارشد