Japhu Chakutra says:

شیخ کے رنگ پسٹن، عمران کی تانگہ پارٹی اور تیز چوہدری

تحریر: جپھو چھکو ترا

عوامی مسلم لیگ کے سربراہ شیخ رشید احمد پاکستانی سیاست کے ایک دلچسپ کردار ہیں جو اب سیاستدان کم اور سیاسی پنڈت زیادہ بن گئے ہیں۔ ٹاک شوز کی سرکس کسی بھی میلے میں لگی ہو سیاست اور سازشوں کی پرخطر باتوں میں ان کی پرفارمنس جوکروں کی مزاحیہ حرکتوں کے طور پر لوگوں کو ہنسانے کے لیے ضروری سمجھی جاتی ہے۔

اسلام آباد کے سٹوڈیوز میں چونکہ سہیل احمد، خالد عباس دار ، افتخار ٹھاکر اور امان اللہ جیسے فنکار دستیاب نہیں ہوتے کہ یہ سب ثقافتی شہر لاہور پائے جاتے ہیں، تو ٹاک شوز کے پروڈیوسرز اور میزبانوں کو Comic Relief کے لیے شیخ رشید کی ضرورت پڑتی ہے کہ اسلام آباد جیسے بور شہر میں وہی ہیں جو تفریح فراہم کر سکتے ہیں۔

گفتگو کرتے ہیں تو لگتا ہے کوئی موٹر مکینک اپنے چھوٹوں کو سیاسی اسرار و رموز سمجھانے کی کوشش کر رہا ہے۔ رنک، پسٹن، انجن اور پلگوں میں کچرا ان کے سیاسی استعارے ہوتے ہیں۔ حتیٰ کہ اپنے جسمانی اعضاء کو بھی مشینی پرزوں سے تشبیہ دیتے ہیں۔ ایک چینل پر مارننگ شو کی میزبان نے جوانی کی وارداتوں کے بارے پوچھا تو موصوف نے جواب دیا ’جوان بھی تھا اور اس وقت یہ رنگ پسٹن اس طرح نہیں بیٹھے ہوئے تھے‘۔

کلپ دیکھئے

موصوف بہت کھرے اور اصول پرست سیاستدان ہونے کا دعویٰ کرتے ہیں اور پھر سب کو رگڑا لگاتے ہیں۔ مسلم لیگ نواز چھوڑنے کے بعد پے درپے انتخابی شکستوں کے بعد آجکل عمران خان کی مقبولیت کی چھتری تلے آنے کے لیے انہیں مکھن لگا رہے ہیں، زیادہ دلچسپی کی بات یہ کہ شو کے میزبان بھی عمران کو شیخ رشید کے لیے یہ کہہ کر سفارش کر رہے ہیں کہ ایک بے ایمان کو اس کے تجربے کی بنیاد پر لینے میں کوئی حرج نہیں۔ ملاحظہ ہو

لیکن یہی شیخ صاحب مشرفی طاقت کے نشے میں عمران خان کے ساتھ اس وقت ایک ٹاک شو میں کیا سلوک کر رہے تھے، یہ بھی دیکھ لیجیئے

عمران خان کو ٹانگہ پارٹی کا طعنہ دینے والے شیخ صاحب اب اپنے ٹانگے کے خود ہی کوچوان ہیں اور کوئی سواری بیٹھنے کو تیار نہیں۔ عدالتی فعالیت کا دور ہے آرمی چیف کے علاوہ اب مملکت خداداد پاکستان میں ایک اور چیف کا ڈنکا بھی ہے۔ شیخ صاحب سامعین کی تفریح کے لیے بلائے گئے ہر ٹاک شو میں عدالتی چیف صاحب کی تعریف میں زمیں آسمان کے قلابے ملاتے ہوئے نظر آتے ہیں اور عوام کو کہتے سنے جاتے ہیں کہ وہ اس چیف کے پیچھے کھڑے ہوجائیں۔ لیکن عدالتی چیف کی دوبارہ بحالی سے پہلے شیخ صاحب ان کے بارے میں کیا کہہ رہے ہیں