اسلام آباد /بیورو رپورٹ
انتہائی معتبر ذرائع سے معلوم ہوا ہے کہ میمو سکینڈل کے حوالے سے حسین حقانی کو بچانے اور اس کا مرکزی کردا سلمان فاروقی کو ثابت کرنے کی پالیسی پر عمل شروع ہوچکاہے۔ وزیراعظم یوسف رضاگیلانی کے حسین حقانی کے حق میں آنے والے بیان بھی اسی سلسلے کی کڑی ہیں۔ اسلام آباد کے معتبر ترین ذرائع کا کہنا ہے کہ عسکری اداروں کو بعض ایسے شواہد مل چکے ہیں جن میں میمو اسکینڈل میں صدر زرداری کے قریبی ساتھی سلمان فاروقی مبینہ طور پر ملوث پایا جارہاہے۔ ذرائع کا یہ بھی کہنا ہے کہ حالیہ دوتین روز کے اندر سلمان فاروقی کے دفتر اور گھر کے تمام ریکارڈ اور ان کے تمام تر موبائل فونز بشمول بلیک بیری قبضے میں لے لئے گئے ہیں اور انہیں گھر میں نظر بند کردیا گیاہے۔