سٹاف رپورٹ/
راولپنڈی کے تھانہ ویسٹریج میں چینی خاتون انجینئر سے اس کی سیکورٹی پر مامور پولیس اہلکار نے زیادتی کی کوشش کی تاہم خاتون انجینئر کے شور مچانے پر دیگر اہلکاروں نے پولیس اہلکار کو پکڑ لیا۔جمعہ کو پولیس ذرائع کے مطابق جے فتح جنگ انٹرنیشنل ایئرپورٹ پر تعمیراتی کام میں کنسلٹنٹ کے طور پر کام کرنے والے نیوائیرپورٹ چائناکمپنی کی خاتون انجینئرمس جے جمعہ کوراولپنڈی کے تھانہ ویسٹریج کی حدود میں واقع اپنی رہائی گاہ پرموجود تھی کہ اس دوران اس کی سکیورٹی پر مامو ر توصیف نامی پولیس اہلکار اچانک اس کے کمرے میں گھس گیا اور اس کے ساتھ زبردستی زیادتی کی کوشش کی تاہم خاتون کے شور مچانے پر دیگر اہلکار کمرے میں داخل ہوگئے اور خاتون کو بچا لیا جبکہ پولیس اہلکار کو گرفتار کر کے تھانے لے جایاگیا۔سی سی پی او راولپنڈی اظہر حمید کے مطابق ملزم کو گرفتار کرکے مقدمہ درج کر لیا گیا ہے اور اس کے خلاف پولیس آرڈر 2002 ء کے تحت کارروائی کی جارہی ہے۔سی سی پی او نے میڈیاکوبتایاکہ پولیس آرڈر2002ء کے تحت ملزم کو نوکری سے برخاست بھی کیا جاسکتا ہے